蕭傑：防警衰十一 設立「誘警罪」

主席：

一名39歲男警涉嫌與13歲女童發生性關係。根據一般情況，對不足16歲女性發生性行為，的確違反香港法例。但係就因為事涉特區警員，我哋認為有特別情況需要特事特辦，因此本人提出以後實在需要為「誘警罪」立法，堵塞漏洞。因為呢件案件發生之後，涉事特區警察被多方網民惡意強力恥笑，幸災樂禍，我哋實在不應排除之後會有人以為令到警員失控，情難自禁，「being provoked」，誘使警員「衰十一」，在輿論上就會成功，有啲人就會覺得好得意，好開心。呢種情況，係唔出奇嘅。

眾所周知，特區不少警員都係年青人，中學畢業，更有不少為毅進文憑畢業生，只係受訓兩年，加上佔領其間承受比較大嘅壓力，有機會情緒失控--呢個係好重要嘅！我哋睇下喺美國，如果駐守外地嘅軍人不斷被「provoked」，係非常危險㗎，有啲仲會強姦當地婦女。為避免香港情況惡化到美國嘅田地，有關當局應該立即設立「誘警罪」。呢個唔係為咗限制一個人性嘅需求，而係如果一個警員，佢係有「器械」，有「weapon」，有「槍」係身嘅，你一定要俾公眾知道佢哋情不自禁，同時會令整個環境，包括與受壓警員獨處嘅對象受到危險，因此我咃呼籲應該即時成立「誘警罪」，保障警員同大眾安全。

同樣道理，我哋都留意到最近社交網站出現「港女謝絕黑警男友」群組，以性感J圖渲示拒絕與特區男警拍拖，此舉我咃認為係涉及「severe provocation」，十分張狂！因此應該與「誘警罪」同步立法，實施「拒警罪」，以保障特區警察之精神健康和人格健全發展。

梁議員　敬上