8 種提升正能量嘅食物！

複合碳水化合物可以引發身體內令人感覺良好嘅神經傳遞素「血清素」增加。想更有效嘅話，營養師建議食纖維較豐富嘅燕麥碎粒 (steel-cut oats) / 全穀類鬆餅。

見到唔順眼嘅事，無明火起想鬧人，好有可能係缺乏維他命B嘅徵兆，而蕃茄和牛油果都含有豐富嘅維他命B雜，可以令你嘅心情回復平靜。

枝豆含有豐富嘅蛋白質，可以令你精神奕奕。另外，當身體缺乏鐵質就會感到好易攰，而半杯枝豆就有人體一日所需嘅十分一嘅鐵質，以及礦物質如鉬，可以令你提升集中力。

有傳言話食火雞之後會昏昏欲睡，其實剛好相反，因為火雞含有豐富嘅酪胺酸（屬胺基酸之一），可以增加兩種令人警醒嘅神經傳遞素，包括多巴胺和正腎上腺素。

三文魚含豐富omega-3脂肪酸，即係好嘅脂肪，對支援腦部記憶好有幫助，沙律內最好有埋核桃（另一omega-3脂肪酸來源）及含有豐富鎂質嘅波菜，有助減壓。

杏仁營養豐富，含有葉酸、酪胺酸、鎂及抗氧化物等，建議做gym / 進行任何帶氧運動嘅30分鐘前食15粒。

想俾人一個好印象，當然係飲橙汁好過飲酒，既可避免酒後胡言亂語，又有維他命C可以降低血液內嘅壓力賀爾蒙「皮質醇」。

催情嘅食物唔止有黑朱古力，仲有西瓜。西瓜含有複合精氨酸，可以增加血液中嘅硝酸，令血管放鬆，自然可以令更多血液流向生殖器，增加達至高潮嘅機會。認清8個殘酷真相　令你活得更開心！